తెలంగాణ

జ్ఞాపకాల్ని పోగేసుకుందాం రండి

రండి మిత్రులారా రండి, జ్ఞాపకాల్ని పోగేసుకుందాం రండి ఎక్కడెక్కడో పోగొట్టుకున్న జ్ఞాపకాల్ని తిరిగి వెతికి పట్టుకుని ఒకచోట కుప్ప పోసుకుందాం రండి ఒకానొక చెట్టుకు తేనెపట్టులా ఒదిగిన వాళ్లం ఎన్నెన్నో మధుర జ్ఞాపకాల్ని తేనెలా కూడబెట్టుకున్నవాళ్లం ఒక్కసారి ఆ తేనెతుట్టెను కదిలించుకుందాం రండి ఎన్నెన్నో పూలవనాల్ని గాలించిన వాళ్లం ఇంకెన్నో ముళ్ల వనాల్ని ఛేదించిన వాళ్లం, ఆశయాల కోసమో ఆశల కోసమో బతుకును సంకనేసుకుని బయలుదేరిన వాళ్లం ఎక్కడెక్కడో మన నుండి మనం తప్పిపోయిన వాళ్లం మనల్ని మనం మరోసారి దొరకబట్టుకుందాం రండి రండి మిత్రులారా రండి జ్ఞాపకాల్ని పోగేసుకుందాం రండి ఒక చెట్టును గూడుగా చేసుకుని గడిపిన వాళ్లం వలస పక్షులమై తలో దిక్కుకి ఎగిరిపోయిన వాళ్లం ఎవరి స్వార్థ చింతనలో వాళ్లం యంత్రాల్లా మిగిలిపోయుంటాం మనుషులుగా ఉన్నామో లేదో ఒక్కసారి మనల్ని మనం గిల్లి చూసుకుందాం రండి బతుకు బాటలో నదీపాయల్లా చీలిపోయిన వాళ్లం జీవన పోరాటాల చలి గాలికి వణికిపోతున్న వాళ్లం అప్పుడప్పుడైనా జ్ఞాపకాల చిదుగుల్ని పోగేసుకుని మనల్ని మనం వెచ్చబరుచుకుందాం రండి మనం చేసిన అల్లర్లు, ప్రదర్శించుకున్న ప్రే