తాజా కమ్యూనిటీ వార్తలు
· 368 కథనాలు
శ్రావణ శుక్రవారం, వరలక్ష్మీ వ్రతానికి శివ విష్ణు ఆలయం సిద్ధం
అమెరికాలోని శాన్ డియాగో శివ విష్ణు ఆలయంలో శ్రావణ శుక్రవారం, వరలక్ష్మీ వ్రతం వేడుకలు ఘనంగా నిర్వహించనున్నారు. ఆగస్టు 21న శుక్రవారం పొవేలోని 16315 పోమరాడో రోడ్లో ఉన్న ఆలయంలో ఈ ప్రత్యేక కార్యక్రమాలు జరగనున్నాయి. శ్రీ మహాలక్ష్మీ అమ్మవారికి ప్రత్యేక పూజలు, అభిషేకాలు, అర్చనలు నిర్వహించనున్నారు. ఉదయం 11 గంటలకు శ్రీ మహాలక్ష్మీ అభిషేకం, అనంతరం అర్చన, హారతి, తీర్థ ప్రసాదాల పంపిణీ ఉంటుంది. సాయంత్రం 6:30 గంటలకు వరలక్ష్మీ వ్రతం నిర్వహించనున్నారు. భక్తులు వ్యక్తిగత కలశ పూజలో పాల్గొనే అవకాశం ఉంటుంది. అనంతరం అర్చన, హారతి, తీర్థ ప్రసాదాల పంపిణీ జరుగుతుంది. వరలక్ష్మీ పూజ సేవకు 51 డాలర్ల విరాళాన్ని నిర్ణయించారు. ఈ మొత్తం ఆలయానికి చెందిన 501(c) నాన్ప్రాఫిట్ సంస్థకు వినియోగించనున్నారు. భక్తులు పూజ కోసం పూలు, పండ్లు, నైవేద్యం తీసుకురావచ్చని నిర్వాహకులు తెలిపారు. నైవేద్యంలో వెల్లుల్లి, ఉల్లిపాయలను ఉపయోగించకూడదని సూచించారు. మరిన్ని వివరాలు, స్పాన్సర్షిప్లు, కార్యక్రమానికి సంబంధించిన సమాచారం కోసం 858-668-9730, 858-504-4123 నంబర్లను సంప్రదించవచ్చు.
న్యూయార్క్ ట్రై-స్టేట్లో ఘనంగా భారత 80వ స్వాతంత్ర్య వేడుకలు.. గిన్నిస్ రికార్డు
అమెరికాలోని న్యూయార్క్ ట్రై-స్టేట్ ప్రాంతంలో భారత 80వ స్వాతంత్య్ర దినోత్సవ వేడుకలు ఘనంగా జరిగాయి. న్యూజెర్సీలోని పార్సిప్పనీ వెటరన్స్ మెమోరియల్ పార్క్ వేదికగా నిర్వహించిన కార్యక్రమంలో అరుదైన గిన్నిస్ ప్రపంచ రికార్డు నమోదైంది.
క్వీన్స్లో ఇండియా డే పరేడ్.. భారతీయులతో కలిసి సందడి చేసిన మేయర్ మమ్దానీ
న్యూయార్క్ సిటీ మేయర్ జొహ్రాన్ మమ్దానీ క్వీన్స్లోని ఫ్లోరల్ పార్క్లో జరిగిన ఇండియా డే పరేడ్లో పాల్గొని భారతీయ అమెరికన్లతో కలిసి స్వాతంత్య్ర వేడుకల్లో సందడి చేశారు. భారతీయుల ఉత్సాహం, దేశభక్తి నినాదాలతో పరేడ్ ప్రాంతం మార్మోగింది.
లాంగ్ ఐలాండ్లో నేషనల్ అలయన్స్ ఆఫ్ ఇండియన్ ఆర్గనైజేషన్స్ ఆధ్వర్యంలో ఘనంగా ఆజాదీ కా మహోత్సవ్
భారత 80వ స్వాతంత్య్ర దినోత్సవం, అమెరికా 250వ వార్షికోత్సవాన్ని పురస్కరించుకుని నేషనల్ అలయన్స్ ఆఫ్ ఇండియన్ ఆర్గనైజేషన్స్ (NAIO) ఆధ్వర్యంలో న్యూయార్క్లోని లాంగ్ ఐలాండ్ మారియట్లో ‘ఆజాదీ కా మహోత్సవ్’ వేడుకలను ఘనంగా నిర్వహించారు. భారత్–అమెరికా స్నేహబంధం, భారతీయ సంస్కృతి, ప్రవాస భారతీయుల సేవలను ప్రతిబింబించేలా ఈ కార్యక్రమాన్ని నిర్వహించారు.
డాలస్లో ఘనంగా 80వ స్వాతంత్య్ర దినోత్సవ వేడుకలు
అమెరికాలోని డాలస్లో భారత స్వాతంత్య్ర వేడుకలు ఘనంగా జరిగాయి. మహాత్మా గాంధీ మెమోరియల్ ఆఫ్ నార్త్ టెక్సస్ ఆధ్వర్యంలో భారతీయ ఎన్నారైలు 80వ స్వాతంత్య్ర దినోత్సవాన్ని దేశభక్తి ఉట్టిపడేలా నిర్వహించారు. మహాత్మా గాంధీ విగ్రహానికి పుష్పాంజలి ఘటించి, జాతీయ పతాకానికి గౌరవ వందనం సమర్పించారు.
అమెరికా, భారత స్వాతంత్య్ర దినోత్సవ వేడుకలకు కమ్మింగ్లో ఘన ఏర్పాట్లు
అమెరికా 250వ స్వాతంత్య్ర దినోత్సవం, భారత 80వ స్వాతంత్య్ర దినోత్సవాన్ని పురస్కరించుకుని జార్జియాలోని కమ్మింగ్ ఫెయిర్గ్రౌండ్స్లో ప్రత్యేక వేడుకలు నిర్వహించనున్నారు. ఆగస్టు 15న జరిగే ఈ కార్యక్రమంలో గ్రాండ్ పరేడ్, రుచికరమైన ఆహారం, లైవ్ మ్యూజిక్, సాంస్కృతిక కార్యక్రమాలు, కమ్యూనిటీ సందేశాలు ప్రత్యేక ఆకర్షణగా నిలవనున్నాయి.
ఫీనిక్స్లో వైఎస్సార్ వర్ధంతి సందర్భంగా రక్తదాన శిబిరం.. సేవా కార్యక్రమంలో పాల్గొనాలని పిలుపు
డాక్టర్ వైఎస్ రాజశేఖర రెడ్డి 17వ వర్ధంతి సందర్భంగా సెప్టెంబర్ 6న అమెరికాలోని ఫీనిక్స్లో వైఎస్సార్సీపీ యూఎస్ఏ ఆధ్వర్యంలో రక్తదాన శిబిరం నిర్వహించనున్నారు. ప్రవాస భారతీయులు పెద్ద సంఖ్యలో పాల్గొని రక్తదానం చేసి ప్రాణాలను కాపాడాలని నిర్వాహకులు పిలుపునిచ్చారు.
