సంగీతం.. భక్తి.. సేవా సంకల్పం.. ఈ మూడు కలిసిన అద్భుత సాయంత్రం అమెరికాలోని మిచిగన్ రాష్ట్రం ఫార్మింగ్టన్ హిల్స్లో ఘనంగా జరిగింది. శ్రీ భక్త హనుమాన్ టెంపుల్ ఆధ్వర్యంలో నిర్వహించిన ‘Melodies for a Mission’ ఫండ్రైజర్ కచేరీ సంగీతాభిమానులను, భక్తులను విశేషంగా ఆకట్టుకుంది.
ఆగస్టు 22, 2026న HAWK వేదికగా సాయంత్రం 6 గంటలకు ప్రారంభమైన ఈ కార్యక్రమంలో ప్రముఖ ప్లేబ్యాక్ సింగర్ డా. మనో తన అద్భుత గాత్రంతో ప్రేక్షకులను మంత్రముగ్ధులను చేశారు. ఆయనతో పాటు పలువురు గాయకులు, సంగీత కళాకారులు పాల్గొని కార్యక్రమాన్ని మరింత ప్రత్యేకంగా నిలిపారు.
భక్తి గీతాలు, మధురమైన మెలోడీలతో సాగిన సంగీత విభావరి ఆద్యంతం ఆహ్లాదకరంగా సాగింది. డా. మనో పాటలకు ప్రేక్షకులు ఉత్సాహంగా స్పందిస్తూ, చప్పట్లతో తమ అభిమానాన్ని చాటుకున్నారు. వేదికపై సంగీతం, భక్తి కలిసిన ఈ వేడుక అందరికీ చిరస్మరణీయ అనుభూతిని అందించింది.
ఈ కార్యక్రమం ద్వారా శ్రీ భక్త హనుమాన్ ఆలయ నిర్మాణానికి నిధులు సమీకరించడం ప్రధాన ఉద్దేశం. హనుమంతుడి ఆలయ నిర్మాణాన్ని పూర్తి చేసి, తన గురువైన శ్రీరాముడితో హనుమంతుడిని ఏకం చేసే పవిత్ర సంకల్పానికి ఈ కార్యక్రమం అండగా నిలిచింది.
భక్తి, సంగీతం, సేవా భావాన్ని ఒకే వేదికపైకి తీసుకొచ్చిన ‘Melodies for a Mission’ కార్యక్రమం గ్రాండ్ సక్సెస్గా నిలిచింది. డా. మనోతో గడిపిన ఈ ప్రత్యేక సంగీత సాయంత్రం మిచిగన్ తెలుగు, భారతీయ సమాజంలో మధుర జ్ఞాపకంగా మిగిలిపోయింది.
