యూపీఎస్సీ సివిల్ సర్వీసెస్ పరీక్ష-2023లో విజయం సాధించిన అభ్యర్థుల ఫలితాలను తప్పుదారి పట్టించేలా ప్రచారం చేసినందుకు న్యూఢిల్లీ లోని ప్రముఖ కోచింగ్ సంస్థ Vajiram & Ravi IAS Study Centreపై కేంద్ర వినియోగదారుల పరిరక్షణ అథారిటీ (CCPA) రూ.7 లక్షల జరిమానా విధించింది.
టాప్-10లో 8 మంది, టాప్-50లో 37 మంది తమ విద్యార్థులేనని సంస్థ ప్రకటించినప్పటికీ, వారిలో చాలా మంది కేవలం ఉచిత ఇంటర్వ్యూ గైడెన్స్ ప్రోగ్రామ్లో మాత్రమే పాల్గొన్నట్లు విచారణలో తేలింది. ఈ విషయాన్ని ప్రకటనల్లో వెల్లడించకుండా పూర్తి కోచింగ్ ఫలితాలుగా చూపడం వినియోగదారులను తప్పుదారి పట్టించడమేనని CCPA పేర్కొంది. పోటీ పరీక్షల కోచింగ్ సంస్థలపై జరుగుతున్న విస్తృత తనిఖీల్లో భాగంగా ఈ చర్య తీసుకున్నట్లు అధికారులు తెలిపారు.
