పాములు తమ నాలుకను తరచుగా బయటకు చాపుతూ కనిపించడం మనకు సాధారణంగా కనిపించే విషయం. కానీ ఈ చర్య వెనుక ఉన్న శాస్త్రీయ కారణం చాలా ఆసక్తికరంగా ఉంటుంది.
శాస్త్రవేత్తల ప్రకారం, పాము తన నాలుకను బయటకు తీసినప్పుడు గాలిలో ఉన్న సూక్ష్మ కణాలు దానికి అంటుకుంటాయి. ఆ తరువాత నాలుకను తిరిగి నోటి లోపలికి తీసుకున్నప్పుడు, ఆ కణాలు నోటి పైభాగంలో ఉన్న ప్రత్యేక అవయవానికి చేరతాయి. దీనిని శాస్త్రీయంగా జాకబ్సన్ అవయవం (Vomeronasal organ) అని పిలుస్తారు.
ఈ అవయవం ఆ కణాలను విశ్లేషించి నేరుగా మెదడుకు సంకేతాలు పంపుతుంది. ఆ సిగ్నల్స్ ఆధారంగా పాము తన చుట్టూ ఉన్న పరిసరాలను అర్థం చేసుకుంటుంది, ప్రమాదాన్ని గుర్తిస్తుంది మరియు శత్రువుల నుండి తప్పించుకునే ప్రయత్నం చేస్తుంది.
విశేషమేమిటంటే, పాములకు మనుషుల మాదిరిగా బలమైన వాసన గ్రహణ శక్తి లేదా వినికిడి సామర్థ్యం ఉండదు. అందుకే అవి ఎక్కువగా తమ నాలుకపైనే ఆధారపడతాయి.
పాము తన నాలుకను బయటకు చాపడం ఆపేస్తే, అది తన పరిసరాలను అంచనా వేయలేకపోతుంది, ఆహారం లేదా దారి గుర్తించలేకపోతుంది. అందుకే పాములు నిరంతరం నాలుకను బయటకు–లోపలికి కదిలిస్తూ “సెన్సార్”లా ఉపయోగిస్తాయి.
ఈ చిన్న నాలుక వెనుక ఇంత పెద్ద శాస్త్రం దాగి ఉండటం నిజంగా ఆశ్చర్యకరమే!
