మణిపూర్ రాజధాని ఇంఫాల్లో అక్రమ వలసలకు వ్యతిరేకంగా భారీ కాగడాల ప్రదర్శన జరిగింది. బంగ్లాదేశ్, మయన్మార్ నుంచి అక్రమంగా వలస వచ్చిన వారిని గుర్తించి దేశం నుంచి పంపించాలని నిరసనకారులు డిమాండ్ చేశారు. చేతుల్లో కాగడాలు పట్టుకుని పెద్ద సంఖ్యలో మహిళలు ఈ ప్రదర్శనలో పాల్గొన్నారు. అక్రమ వలసల వల్ల స్థానికుల హక్కులు, రాష్ట్ర భద్రత, జనాభా సమతుల్యతపై ప్రభావం పడుతోందని వారు ఆందోళన వ్యక్తం చేశారు.
అక్రమ వలసదారులను గుర్తించేందుకు NRCను అమలు చేయాలని ప్రభుత్వాన్ని కోరారు. కఠినమైన చర్యల ద్వారా అక్రమ వలసలను అడ్డుకోవాలని నినాదాలు చేశారు. కాగడాల వెలుగుల్లో సాగిన ఈ భారీ ప్రదర్శనతో ఇంఫాల్లో నిరసన వాతావరణం నెలకొంది. అక్రమ వలసల అంశంపై ప్రభుత్వం తక్షణమే చర్యలు తీసుకోవాలని మహిళలు డిమాండ్ చేశారు.
