పశ్చిమ ఆసియా యుద్ధం ప్రభావంతో ప్రపంచ ఆర్థిక వృద్ధి మందగిస్తున్నప్పటికీ, ప్రపంచ బ్యాంక్ భారత్కు సంబంధించిన 2026-27 ఆర్థిక సంవత్సర వృద్ధి అంచనాలను 6.5 శాతం నుంచి 6.6 శాతానికి పెంచింది. జూన్ 2026 గ్లోబల్ ఎకనామిక్ ప్రాస్పెక్ట్స్ నివేదిక ప్రకారం, FY26లో 7.7 శాతం వృద్ధి నమోదు చేసిన భారత ఆర్థిక వ్యవస్థ FY27లో 6.6 శాతం, FY28లో 7.2 శాతం వృద్ధి సాధించే అవకాశం ఉంది.
దేశీయ డిమాండ్, ఆర్థిక కార్యకలాపాల బలంతో భారత్ ప్రపంచంలోనే వేగంగా అభివృద్ధి చెందుతున్న ప్రధాన ఆర్థిక వ్యవస్థలలో ఒకటిగా కొనసాగుతుందని ప్రపంచ బ్యాంక్ పేర్కొంది. అయితే పశ్చిమ ఆసియా యుద్ధం కారణంగా ముడి చమురు ధరలు పెరగడం వల్ల ద్రవ్యోల్బణం, దిగుమతి వ్యయాలు పెరిగే ప్రమాదం ఉందని హెచ్చరించింది. ప్రపంచ వృద్ధి రేటు 2026లో 2.5 శాతానికి తగ్గనున్నప్పటికీ, భారత్ వృద్ధి రేటు ప్రపంచ సగటుతో పోలిస్తే గణనీయంగా మెరుగ్గా ఉండనుంది.
