సాధారణంగా ఒక డిమాండ్ కోసం నిరసన తెలపాలంటే ఒకటి రెండు రోజులు లేదా కొన్ని వారాల పాటు ధర్నా చేయడం సహజం. కానీ, ఒక వ్యక్తి తన నమ్మకం కోసం, తన మనోభావాలను కాపాడుకోవడం కోసం ఏకంగా 560 రోజుల పాటు 400 అడుగుల ఎత్తులో ఉండి నిరసన తెలపడం సాధారణం విషయం కాదు. పంజాబ్‌కు చెందిన పాడి రైతు గుర్జీత్ సింగ్ ఖల్సా ప్రదర్శించిన ఈ అసాధారణ ధైర్యం, చిత్తశుద్ధి ఇప్పుడు దేశవ్యాప్తంగా చర్చనీయాంశమైంది.